Хон атлас – энг ёрқин ранглар табиат жилоси, гуллар тасвирини ўзида мужассам этган ўзбек миллий матоси ҳисобланади. Мазкур матони қадимда фақат хонлар кийгани учун ҳам хон атлас номи билан аталган."Хон атлас ~ 2023" миллий фестивали Ўзбекистон учун ноёб платформа бўлиб, дизайн санъати ва миллий саноат билан боғлиқ йўналишларни тақдим этади.
        Жорий йилнинг  28 - сентябрь куни  Камбағалликни қисқартириш ва Бандлик вазирлиги ҳузуридаги Оила ва хотин-қизлар қўмитасининг 2023 йил 19 сентябрдаги №02-01/1274-сонли хати ижросини таъминлаш мақсадида мактабимизда  “Хон атлас–2023” фестивали ташкил этилди. Тадбирдан асосий мақсадимиз миллий либосда халқимизнинг минг йиллик ўтмиши,  ва анъаналари, диди, эстетик қарашлари, шунингдек, ўзига хос хусусиятлари мужассамлигини намоён этишдан иборат.